ONCE Fundazioko Oroimenak Antzerki taldeak urtero egiten du bisita Elgetara. Aurten ere Xalbadorpe erretiratuen elkarteko kideen gonbidapena jaso dute eta bihar, eguena, egingo dute Cabarett antzezlanaren emanaldia Espaloia kafe antzokian, 17:00etan.
ONCeko kideak diren eta itsuak diren edo ikusmen-desgaitasuna duten aktoreek osatzen dute Oroimenak Antzerki taldea.
Clarabett antzezlana
Mari Carmen Holgadok zuzendua, zaharkituta dagoen karabet lokal batean kokatzen da istorioa. Komentua du izena lokalak eta ikuskizun berri bat antolatzen ari dira negozioa dagoen zulo ekonomikotik ateratzen saiatzeko. Entseatzen duten bitartean, kabaret izar handi bat itzultzen da lokalera, baina iragan ilun bat ezkutatzen du. Haren itzuleraren atzean, gainera, asmo desatsegina bat dago: mendekua.