XXVII. Intxortako igoera herrikoia egin da. Intxortarainoko denbora hartzeaz batera, guztira, zenbat egin duten kronometratu dute. Garailea Unax Agirre izan da; Intxortara 11:·50 minutuan igo da, plazako petriletik hasita, eta, guztira, 18:07 behar izan ditu plazara joan-etorria egiteko. Bigarren sailkatua Pablo Egizabal izan da; Intxortara 13:00 minutuan igo da, eta, guztira, 18:23ko denbora egin du. Hirugarren sailkatua, berriz, Amets Agirre izan da 13:24ko denboran igo da Intxortara eta guztira, 19:40ko denbora egin du.
Goiatz Agirrek errekorra
Podiuma osatu duten hiru gizonezkoez gain, Goiatz Agirrek 15:10 behar izan du Intxortara igotzeko –bosgarrena sailkatu da, sailkapen orokorrean–, eta, guztira, 21:47ko denbora egin du, errekorraren marka onduz. Pozik agertu da helmugan: ""Uste dut 22:38 zen Nereak eginda, eta 21:47 eginda pozik nago. Bizkor igo eta azkar jaitsi gara, danok herrikoak izanda giro polita izan dugu". Emakumezkuetan, bigarrena, Alazne Lozano izan da, eta, 15:40 behar izan du Intxortara iristeko eta, guztira, 22:10eko denbora egin du. Hirugarren emankumezkoa, aldiz, Inma izan da eta guztira, 27:28ko denbora egin du.
Elgeta-Palestina taldeak deituta, 13:00etan, Genozidioari stop, Palestina askatu lelopean elkarretaratzea ere egon da, eta arratsaldean festak jarraituko du patata-tortilla lehiaketarekin, eta, gauean 21:30ean kontzertuak izango dira Espaloian. Babesgabe, Apunta eta Ostiada Oi! taldeak.