Artaxonara antolatu du ikasturteko lehen irteera Xalbadorpe elkarteak eta 40 bat lagun izan ziren bertan atzo. Gidari baten azalpenekin bisitatu zuten Artaxonako harresi-multzoa. XI. mendekoa da. Jatorriz hamalau dorre almenadun bazituen ere, horietatik bederatzi geratzen dira zutik eta multzo osoak San Saturnino eliza-gotorlekua babesten du.
Iraileko egitaraua
Irailean burutuko diren hainbat hitzorduren berri eman dute Xalbadorpetik. Martitzenean, hialk 16, sukaldaritza ikastaro saio berri bat gidatuko du Loli Ibañezek. 17:00etan emango diote hasiera Ozkarbi elkartean. interesatuek deitu egin behar dute izena emateko: 617 18 49 30 (Loli Ibañez).
Podologo zerbitzua ere bueltan da abuztuko etenaldiaren ostean. Eguaztenean, hilak 17, izango da iraileko kontsulta, 08:45etik aurrera kultura etxean. Txanda hartzeko deitu egin behar da: 653 74 19 64 (Uri Gallego).
Hilaren 25erako, berriz, antzerkia proposatzen dute Xalbadorpetik. Oroimen antzerki taldeak Clarabett antzezlana eskainiko du 17:00etan antzokian.
