Amaitu da Gipuzkoako 54. hiru-txirlo bola joko txapelketa. Zapatuan Azkoitian egindako tiraldiarekin eman zioten amaiera. Ondoren, urtero moduan, bazkaria, sari banaketa eta omenaldia egin zituzten.
Elgetako bolariek jaso dituzte sari nagusienak: txapelketako sailkapen orokorrekoa eta binakako txapelketakoa. Taldekako lehian, berriz, Elgeta A taldeak bigarren egin du.
Pozik dira Elgeta taldeko bolariak. Azpimarratu dute, gainera, baloratzekoa dela Debagoieneko ordezkariek txapelketan egindako lana. Bergarako San Josepe eta Aretxabaletako UDA nabarmendu dituzte.
Elgetako taldeko Bittor Astigarraga Lehendakari sariarekin eta Jon Aransolo txapelketa sari nagusiarekin.
Binakako txapelketako irabazleak: Asier Azkarate eta Sebas Aranzabal.
Taldekako txapelketan bigarren sailkatu den Elgeta A taldea.
Saria jaso duten bolariak.