Herriko hogei bat gaztek hartu dute parte Elgetako Frontenis taldeak antolatutako Frontenis Txiki saioan. Arratsalde osoa eman zuten frontoian frontenisa praktikatzen.
Frontenis zaletasuna bultzatzeko helburuarekin eta herriko gaztetxoendako ekintza bat antolatzeko helburuarekin egin du Elgetako Frontenis taldeak Frontenis Txiki saioa.
Barikuan egin zuten eta hogei bat gaztetxo elkartu ziren frontoian. Adinka antolatu eta hainbat norgehiagoka jokatu zituzten guztiek.
Amaitzeko, bi sari banatu zituzten. Kiroltasunaren saria Haizea Agirre Osarendako izan zen eta Jokalari trebeenaren saria Aimar Arantzeta Iribarrendako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.