Uztailaren 3tik 6ra ospatuko dira Ferixa Nagusiko jaiak eta batzordeak kartela aukeratzeko lehiaketa deitu du. Lanak maiatzaren 26rako aurkeztu behar dira. Obra guztiek ondorengo idatzia eraman beharko dute: Ferixa Nagusiko jaixak 2025 Elgeta. Horrekin batera datak ere agertu beharko dira: uztailaren 3tik 6ra.
Oinarriak ikusgai daude Elgeta.eus atarian. Urtero moduan, aurkeztutako lanekin erakusketa egingo da eta herritarren botoekin aukeratuko da irabazlea. Saria da 100 euro.
Iaz hamahiru kartel heldu ziren lehiaketara eta Zaldibarko Itxaso Gaztelurrutiak irabazi zuen.