Gazte Egunaren ospakizunen barruan egingo dute, bihar, Elgetako hamaikakoaren aurkezpena. Herriko Euskaraldia batzordearekin elkarlanean, Gazte Asanbladak 13:00etarako iragarri du ekitaldia, plazan. "Ideia da herriko hamaika gazterekin osatzea Elgetako hamaikakoa", esan dute Gazte Asanbladako Ana Mansok eta Paula Palaciosek.
Herri-argazkia
Ekitaldia Euskaraldiaren herri-argazkia ateratzeko ere baliatuko nahi dute: "Euskaraldirako izena eman duten herritar guztiak daude argazkian parte hartzera gonbidatuta". Ekitaldian, gainera, Euskaraldirako izena emateko aukera ere egongo da; izan ere, mahaia jarriko dute Euskaraldia batzordeko kideek.
Elgetako Euskaraldia batzordeak hilaren 9an egingo du hurrengo batzar irekia: 19:00etan izango da, Ozkarbi elkartean.
