Margotu diren jolasak honakoak dira: diana, jump, zenbakietan salto, twister eta txingoka jolasa. Guztira, zortzi jolas margotu dituzte: eskola parean hiru, Emakume Erresistenteen plazan bi eta haurreskola-ludoteka pareko parkean hiru.
"Prozesua aurreko ikasturte amaieran abiatu zen", azaldu du Hezkuntza zinegotzi Kepa de Vegak. "Eskolak jolastokien inguruko diagnostiko bat egin zuen eta jolas batzuk ipintzeko proposamena helarazi zion Udalari. Aurten, Umeen batzordearen bidez bideratu da eta aukeratu ziren zazpi jolas. Zazpi astez astean jolas bat margotu dute umeek klarionekin jolastokia, eta bozetoak prestatu dituzte. Azkenean, zazpi jolas horietatik bost aukeratu dira". Bost horiek margotu zituzten domekan herriko hiru puntutan.
Herri Hezitzaileak egitasmoak bideratutako egitasmoa izan da, eta jolas berriak erabilgarri daude orain.