Zapatuan egitekoa den Gazte Eguneko bazkarirako txartelak salgai daude

Larraitz Zeberio Lekuona 2025ko api. 1a, 12:37

Elgetako Gazte Eguna, iaz.

Elgetako Gazte Asanbladak II. Gazte Eguna iragarri du zapaturako. Egun osoko egitaraua prestatu dute. Bazkarirako txartelak 10 eurotan daude salgai Janela tabernan.

Badator Elgetako Gazte Eguna. Zapatuan, apirilak 5, ospatuko dute eta egun osoko egitaraua aurkeztu du Gazte Asanbladak.

Egoarbitzara egindako mendi irteera batekin emango diote hasiera, 10:00etan. Hurrengo ekitaldia 13:00etan izango da; izan ere, Euskaraldiko Hamaikakoaren aurkezpena egingo du Gazte Asanbladak Elgetako Euskaraldia batzordearekin elkarlanean.

Bertso-poteoarekin jarraitu dute bazkaltzeko ordura arte eta bazkaria 14:30ean izango da. Txartelak salgai daude 10 euroko prezioan Janela tabernan.

Bazkaldu ostean, Nebar taldearen akustikoaren txanda izango da eta 18:00etan karro-poteoa egingo dute. Gazte Asanbladako kideek hiru txirlo bola jokoa antolatu dute 22:00etarako. Ondoren, etxeko DJ-ek girotuko dute gaua Bolatoki tabernan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak