Antxumeen Lasterketaren ostean abiatu da Ahuntzen Lasterketa, 10:00etan, eta 21 kilometroko ibilbidean, Aritz Sardina iruindarrak ezarri du markarik onena (o1:42:47), Iñigo Pradera mallabitar eta bigarren sailkatuari minutu batetik gorako aldea aterata (01:44:07). Podiuma Josu Urrutiak ondarrutarrak osatu du (01:45:46).
Emakumezkoetan, Ohiana Kortazar etxeko lasterkariak ez du aurkaririk izan, eta erraz irabazi du proba (01:54:31). Nora Narbaiza zaldibartarra sailkatu da bigarren, irabazlearengandik ia ordu laurdenera (2:09:03). Hirugarren sailkatua Ane Zabala arrasatearra izan da (02:10:47), podiuma osatuta.
Era berean, beteranoen kategorian, Usansoloko Alexander Ordeñanak (01:46:49) eta Oihana Kortazarrek eskuratu dute lehen saria.
Lehen elgetarraren saria, azkenik, Urko Lozanok (02:00:19) eta Goiatz Agirrek (02:34:21) irabazi dute.
Antxumeek, lau kilometroko ibilbidea
Antxumeen Lasterketari dagokionez, lau kilometroko ibilbidean, Unax Agirre elgetarra izan da onena (00:17:29). Aritz Barbier donostiarra sailkatu da bigarren (00:19:41) eta Xabat Aiastui antzuolarra, berriz, hirugarren (00:20:11).
Nesketan, Alaitz Berasaluze arrasatearra izan da nagusi (00:22:45) eta gertu izan du Noa Herzog bergararra (00:23:23). Podiumeko hirugarren koskara Ibon Diaz bergararra igo da (00:24:39).
Sailkapen guztiak ikusgai, hemen.
'Harmailatik' saio berezia
Halaber, lasterketak eman duen guztia Goiena telebistako Harmailatik saio berezian ikusi ahal izango da datorren egubakoitzean, protagonista guztien ahotsak jasota.
