Historia errealetan oinarritutako fikziozko antzezlana da; Liñerak berak zuzendu du eta Aitor Perez du protagonista.
Bidaia bat irudikatuko dute; gizon homosexual baten bidaia kontatuko du haren iloba Amelia transformistak. Europako kontzentrazio esparru batean eta gero Francoren kartzelan giltzapetu zuten osaba baten istorioa, hain zuzen ere.
"Bi pertsonaien eta haien istorioen arteko bidaia da, iraganaren eta egungoaren artekoa, negarraren eta irribarrearen artekoa, amorruaren eta adiskidetzearen artekoa, beldurraren eta pozaren artekoa…", adierazi dute Ekoma Teatroa konpainiakoek.
