Elgetako Udalak otsail hasieran zabaldu zuen kiroldegiko Bolatoki taberna-jatetxea ustiatzeko kontratazio prozedura. Bi hautagaitza izan dira eta atzo jakinarazi zuen Ibon Unzetabarrenetxea alkateak Mari Carmen Salasek irabazi duela ustiapen lehiaketa.
Eskaintzak hiru urteko kontratua zehazten du, gehienez ere bost urtera arte luzatzeko aukerarekin.
Ostalaritzarekin lotutako zerbitzuaren ustiaketarekin batera, baldintza-pleguek jasotzen dute esleipendunak kiroldegiko harrera zein kontrol zerbitzuak ere ziurtatu beharko dituela.
