Euskadi Brass taldeak elkartasun-kontzertua egin du Espaloia kafe antzokian, Valentzia helmugatzat; izan ere, bildutako irabaziak Paiportako La Torre zentrora bideratuko dituzte: aniztasun funtzionala duten 80 lagunekin egiten dute lan.
Ideiaren jatorriari dagokionez, honako hau azaldu du Alberto Urretxo arrasatearrak, Euskadi Brass-eko zuzendaria: "Elgetan bizi den eta gurekin kolaboratzen duen Estefania Beceiro tronpa-jolearen eskutik heldu zitzaigun proposamena, eta ideia oso ona iruditu zitzaigun. Euskadi Brass musika proiektu bat da, baina karakter sozialekoa ere bada".
