Janela tabernako Maria Cobosek antolatuta, otsailaren 7an ziren egitekoak azoka, baina atzeratu egin zuten eguraldi txarrarengatik. Azkenean, gaur egin dute, Espaloian.
17:30ean hasi da artisauen azoka, eta Elgetako eta inguruetako artisauen topaleku bilakatu da arratsaldean Kafe Antzokia. Besteak beste, parte-hartzaileen artean izan dira Baobeer garagardoak eta Bi Ta Piku arropa marka. Aldi berean, urdaiazpiko moztaile bat izan da, eta barra ere irekita egon da; dirua lortuz gero, hala ere, Cobosek jakinarazi du "herrian beste ekintza bat antolatzera bideratuko" duela. Elgetako Unai Cantabrana musikariaren emanaldia ere izan da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
