Zer da elikadura osasuntsu bat? Zer da betiko sukaldaritza edo sukaldaritza tradizionala eta zer da berria? Denetarik jaten dugula esaten dugunean zer esan nahi dugu? Halako galderen bueltako gogoeta sustatu zuen Olaia Blancok martitzenean egindako saioaren hasieran. Elikadura osasuntsua izeneko bi eguneko ikastaroko lehenengoa izan zen, eta hurrengo astean egingo dute bigarrena. Lehenengo saioa –teorikoa, gehienbat– udaletxeko areto nagusian egin zuten, eta hurrengo astekoa –praktikoagoa– Intxorta elkarteko sukaldean egingo dute.
Interesa pizten duen gaia
Iaz tailer bera egin zuen Blancok Elgetan. Udalak antolatua, dozena bat lagunek hartu zuten parte. "Jende asko itxarote-zerrendan geratu zen, eta haiei aukera emateko berriz eskaini dugu. Errezetak desberdinak izango dira, baina teoria berbera", azaldu du Miren Ibarbia zinegotziak.
Gaiak interesa pizten du; izan ere, bete egin da berriz ere ikastaroa. Hamalau lagunek eman dute izena.
