Aurreko ikasturteetan moduan, Etor Garatek gidatuko ditu Udalak antolatutako kirol jarduerak, hala nola eskola kirola –hiru maila–, spinninga, gimnasia lasaia eta tonifikazioa eta mantentze gimnasia. Saioak aste honetan hasi dira, eta jardueretan izena eman aurretik probatu nahi izan dituztenek horretarako aukera izan dute egunotan.
Pilota eskola ere egongo da ikasturte honetan. Saioak aste- lehenetan eta eguaztenetan izan- go dira, 17:30etik 19:30era.
Udal eskaintzaz gain, Alazne Azkaratek yoga saioak eskainiko ditu, Ainhoa Ameztik tai txi eskolak, Maier Irazabalek gym power eta pilates saioak eta Estitxu Bravok aretoko dantzak.
Musika eskolak
Lorea Larrañagaren musika, piano zein gitarra eskolak eta Adolfo Jainagaren trikiti eta pandero eskolak ere hasita daude. Larrañagak astelehenetik eguenera ematen ditu eskolak, kultura etxean, eta Jainagak eguenetan, Herri Eskolan.
