Pikuak, gazta, aranak, loreak, sagarrak, belarritakoak, txorizoak, eztia eta gozoak saltzen herriko ekoizleak plazan, Intxoratarako joan-etorria korrika egiteko asmoarekin korrikalariak eta tirolina probatzeko gogoarekin gaztetxoenak. Horrela hasi dute Sagardo Eguna Elgetan.
Herriko ekoizleek 10:30erako zituzten mahaik jarrita euren produktuak saltzeko. Eta jendea azkar pilatu da, lurrak emandakoak erosteko asmoz. Bitartean, Intxortara joan-etorria korrika egitera animatu dira beste hainbat herritar, ume zein heldu, eta gaztetxo batzuk ilaran jarri dira udaletxetik plaza barrenera jarri duten tirolina behera jaisteko. Iluntzean egingo dute patata-tortilla lehiaketa eta gauen kontzertuak.
Intxortako korrika egindako XXVII. igoeran, 12 eta 16 urte arteko bost lagunek hartu dute parte; 16 urtetik gorakoak beste bost izan dira eta bederatzi 12 urte artekoak.
Lasterkarien denborak eta postuak
16 urtetik aurrerako neskak:
1. Ane López. (27.48)
16 urtetik aurrerako mutilak:
1. eta 2. Pablo Egizabal eta Iñaki Egizabal aita-semeak. Elkarrekin iritsi dira. (18.14).
3. Haritz Barrutia. (20.34).
12-16 urte bitarteko neskak:
1. Maddi Barrutia. (25.08)
2. eta 3. Araitz Ahedo, Lur Egizabal eta Nora de Vega. Elkarrekin iritsi dira. (35.41)