Frontoi zaharretik Espaloira jaisteko eskaileren azpian (ezabatuta) eta skate parkeko arrapaletako batean agertu dira pintaketak. Pagatza industrialdean ere badaude. Emakumeen kontrako mezuak dira, eta gogor salatu ditu Amantalak talde feministak. "Hainbat txokotan agertu dira lodifobia eta emakumeen aurkako pintaketak. Gure haserrea erakutsi nahi dugu. Ez dugu horrelako jarrera matxista eta lodifoborik onartuko. Gizarte feminista baten alde borrokan eta lanean jarraituko dugu, indarkeriaren eta diskriminazioaren aurka. Gora borroka feminista!", adierazi dute.
Udala hasita dago pintaketak ezabatzen. Esaterako, Epaloirako eskailerapekoa ezabatuta dago.
