Txistuaz, danbolinaz eta trikitixaz lagunduta aritu dira herriko frontoian dantzariak. Herriko txiki eta gazteek guraso eta ezagunen aurrean egin dituzte urtean zehar ikasitako dantzak. Herriko jendeak ez du zalantzarik egin eta lekuko eserleku gehienak bete dituzte. Txalo zaparradak ez dira falta izan. Herriko helduenei omenaldia egiteko ere aprobetxatu du udalak eta, ondoren, alkate eta zinegotziek urtero egiten duten soka-dantza ere egin dute.