Zilarrezko domina jantzi zuen Oihana Kortazarrek joan den asteburuan Annecyn, Frantzian, jokatu zen Europako Mendi Lasterketako Txapelketan. 6.12.35eko denbora eginda zeharkatu zuen helmuga elgetarrak –zortzigarrena izan zen–, eta hura izan zen Espainiako selekzioko korrikalari azkarrena; haren atzetik iritsi ziren Gemma Arenas (6.24.08) eta Mar Pastor (6.40.33).
Bosgarren postua lortzeko lehian aritu zen Kortazar ia lasterketa osoan –43 kilometroz–, baina azkenengo 17 kilometroetan hiru postu galdu zituen, "hanketako giharretako mina" tarteko. Hala ere, Kortazar "oso harro" dago, sare sozialen bidez bidalitako mezu batean esan duenez, "lasterketa amaitzea lortu izanagatik". Era berean, aitortu du hiru postu galdu izanak ez diola "frustraziorik eragin" eta badakiela "ikasteko asko" duela. Mezu berean, "eskerrak" eman nahi izan dizkie Espainiako Atletismoko Fede- razioko entrenatzaileei eta lasterkariei, txapelketan "guztia eman izanagatik"
