Realeko eta Eibarko koloreak hartu ditu Ozkarbi elkarteak. 42 lagun elkartu dira bazkaltzeko, gehien gehienak jokalari ohiak. Aurretik aipatutako izenez gain nabarmendu dira Mikel Etxarri, Javi Elola, Diego Alvarez, Tomas Orbegozo, Lutxo Iturrino, Michel Loinaz, Fernando Juaristi edo Eduardo Escobar medikua. Nagusiena, Javier Exposito 92 urterekin izan da eta gazteena Aitor Lopez Rekarte 48 urterekin.
Guztiak elkartutakoan talde argazkia atera dute Kataia edo arku-etxearen parean. Bertatik igaro diren hainbat lagunek ezagutu egin dituzte eta bada agurtzeko kamioitik jaitsi denik ere.
Mahaiaren bueltan askotariko gaiak izan dituzte berbagai; aspaldiko kontuak, eta, baita ere, gaur egungoak. Luze joko du bazkalosteak Elgetan.
