Udal brigadako langileen lana izan da kareharri griseko plaka bere lekuan jartzea. 50 kiloko pieza da, eta zalantza barik lan delikatua izan da. Gainera, askok akaso ez dakite, baina plaka apurtuta heldu zen Elgetara. Tafallan egina, bidaian apurtu zen eta hargina mendeurren ekitaldia baino bi egun lehenago izan zen herrian konponketa lanak egiteko. Ezin zen berriz apurtu. Anekdotak anekdota, oroitarria bere lekuan da.
Estornes, Txutxin eta Garcia-uribe izan dira Elgetan
Federazioko hiru lagun izan dira Elgetan kokapen lanen jarraipena egiten: Club Deportivo Bilbaoko Cesar Estornes, Sodupeko Gallarrada mendi taldeko presidente Txutxi Mugerza eta mendeurren komisioko kide Iñaki Garcia Uribe. Komisioak ekainaren 7an egingo dute mendeurreneko azken batzarra Elgetan. 18:00etan elkartuko dira udaletxean.
