Apirileko ekintzen barruan hainbat proposamen egin ditu Elgetako Xalbadorpe erretiratuen elkarteak eta gaur Alaiberri taldearen emanaldiaren txanda da. Aspaldiko ezagunak dira Alaiberrikoak Elgetan, eta aurten ere ez diote urteroko hitzorduari hutsik egingo. Espaloiko ateak zabalik izango dira 16:30etik aurrera. Sarrera doan da.
Irteera Ordiziara
Domekan, berriz, Ordiziara egitekoa den irteerarako izena emateko aukera izango dute Xalbadorpe elkarteko bazkideek. Taldeak autobusean egingo du joan-etorria. Prezioa da 30 euro. Zuzendaritzako kideak Ozkarbi elkartean izango dira domekan, 11:00etatik 13:00etara izen-emateak jasotzeko.
