Emakume zientzialaria da Arbulu, geologoa, eta EHUko ikertzaile lanetan dabil orain. Atzo, herriko neska-mutikoengana gerturatu zen. Martxoaren 8arekin lotutako ekintzak egingo dituzte udal zerbitzuan ere eta Arbulu mineralen eta fosilen inguruan aritu zen umeekin. Hainbat azalpen eman zizkien Torrealdeko jolas-parkean prestatutako txokoan. Hainbat mineral eta fosil erakutsi zizkien. Mineral harria egiteko lanetan ere jarri zituen neska-mutikoak.
M8 ekintzak Elgetan
Denon Bizitzak Erdigunean lelopean ekintza sorta prestatu dituzte Udalak, Amantalak Talde Feministak eta Liburutegiak elkarlanean. 18:00etan Ines Bengoak helduendako ipuin kontaketa saioa egingo du liburutegian Zer daramagu emakumeok poltsoan? izenburupean.
Urteroko elkarretaratzea etorriko da jarraian. 19:30ean izango da, Mendizaleen Plazan.
Jarraian, bertso poteo feminista iragarri dute hiru eragileek. Oihana Arana eta Maddi Aiestaran arituko dira bertsotan.
