Martxoaren 10ean Espaloia Kafe Antzokian izango dira Potx eta Lotx pailazoak eta haien lagunak: Aireportuan ikuskizuna eskainiko dute. 18:00etan hasiko da Udalak antolatu duen emanaldia. Sarrerak salgai daude jada, 6 eurotan, eta sarean zein liburutegian eskuratzeko aukera dago. Sarrera liburutegian erosi nahi izanez gero eskaera da diru kopuru zehatzarekin joateko.
Hegan egin nahia
Urte luzez aurreztu ostean, Potx eta Lotx amets bat betetzear dira; azkenean, hegazkinez bidaiatuko dute. Aireportuan pozez gainezka sartu diren arren, euren hegaldia atzeratu beharra egon dela jakinarazi die megafoniako ahotsak. Aireportuan luzaro egon beharko dute zain. Modu horretan, abentura berri batean murgilduko dira bi pailazoak, beste zenbait pertsonaiarekin hartu-emanean. Lortuko ote dute hegan egitea?