San Sebastian egunez, gaur, elkartu dira Elgetan. Meza izan dute lehenengo, koro eta organoak lagunduta eta sakristian egin dute gero urteko batzarra; bertan urteko gorabeherak aipatu dituzte. Bazkaltzera joan aurretik, talde argazkia atera dute eliza kanpoan.
1.482an Errege Katolikoek sortu zuten San Sebastian kofradia, lur jabeei euren lurrak defendatzeko armak erabiltzeko baimena emanez. XV. mendearen bigarren erdian, Ubera eta Angiozar Elgetako lurretan zeuden, baina XX. mende hasieran Ubera eta Angiozar Bergara izatera pasa ziren; Uberak eta Elgetak elkarrekin jarraitu zuen eta Angiozar bere kontura hasi zen, aurreko urte arte. Hala, aurten ere Angiozarko nobleak batu dira Elgetan eginiko ospakizunera.