Neguko Bolak txapelketako hirugarren jaurtialdia hartuko du barikuan Elgetako bolatokiak. 50 parte hartzaile inguru elkartzen dira jaurtialdiko eta pentsatzekoa da Elgetan ere antzerako kopuruetan ibiliko direla. Bolak 22:00etan hasiko dira dantzan herriko bolatokian.
Elgetako bolariek parte hartzeko deia egin dute; izan ere, antolatzaileen helburuen artean da parte hartzaile berriak ere erakartzea. Hala, ez da beharrezkoa federatuta egotea, eta gazteei zein nagusiei zuzendutako txapelketa da.
Poliki-poliki handitzen doan txapelketa da Neguko Bolak. Orain bi urte sortu zen jaurtialdi bakarrarekin. Iaz, hiru jaurtialdi izan zituen eta aurten, Elgetakoa gehituta, lau izango ditu.
