Mozilla fundazioak martxan jarritako Common Voice ekimena elikatzeko helburua du Gaitu proiektuak. Horretarako, milaka pertsona ari dira asteotan euskarazko esaldiak garbatzen. Elgetan ere horretarako aukera eman dute Goibeko Euskaltzaleen Topaguneko kideek. Barikuan bi mahai jarri zituzten plazan eta egiten zuen hotzari aurre eginez hainbat ahots grabazio egin zituzten.
Ekimenak zabalik jarraitzen du. Nork bere etxetik ere egin ditzake grabazioak adin artifizialak euskaraz ikas dezan. Nahi beste minutuko grabazioak egin daitezke etxetik. Goibekotik auzolan digitalarekin jarraitzera animatu dituzte elgetarrak.
Bakarrizketa saioa
Domeka arratsaldean umoretik jo zuten elgetarrek. Bakarrizketa egiten izan ziren Maria Blanco, Iker Plazaola, Maialen Sorzabalbere eta Iker Portillo. Umore estilo desberdineko lau lagun baina barre algara ederrak eragin zituztenak elgetarren artean. Askotariko gaiak izan zituzten berbagai: Gabonak, ligatzeko teknikak, txikitako bizipenak, euskaldun izatearen bitxikeriak... Publikoarekin jolasean aritu ziren eta publikoak ere egin zuen jolasean umoristekin.
Eskolan ere ekintza bereziak
Elgetako Herri Eskolan ere aldarrikatuko dute Euskararen Nazioarteko Eguna. Barikuan, hamaiketako berezia izan zuten ikasle guztiek eta euskarazko pelikulak ikusiko zituzten hainbat ikasgelatan. Gainera, LHko ikasleek herri kirolak izan zituzten. Atzo, berriz, LH2ko ikasleek UEMAren Ispiluari begira dinamika egin zuten.
