Pintxo Eguna ospatu dute gaur Elgetan. 12:00etan jarri dituzte pintxoak lau tabernetan, euro eta erdiko prezioan. Pintxoen osagaiak asmatuz gero, tabernetan erabiltzeko 50 euroko erosketa-bonuak eskuratu ahal izan dira.
Beste 50 euroko bono bat irabazteko aukera ere egon da; izan ere, argazki lehiaketa antolatu da egunaren baitan. Udalak lau gai eman ditu eta parte hartzaileek gai bakoitzarekin lotutako argazki bana aurkeztu behar izan dituzte.
Pitxoez eta eguraldi bikainaz gain, trikitilariak ere egon dira tabernak girotzen.
