Bolatoki, Lola, Maialde eta Haizea tabernek pintxo bereziak eskainiko dituzte domeka eguerdian; izan ere, Pintxo Eguna izango da herrian. Elkarlanean aritu dira prestaketa lanetan Udala eta herriko ostalariak.
Pintxo eskaintza berezia 12:00etan hasiko da. Euro eta erdiko prezioan eskainiko dituzte, eta bezeroen artean sariak banatuko dituzte. Pintxoen osagaiak asmatzen dituztenen artean, herriko tabernetan erabiltzeko 20 euroko erosketa-bonuak banatuko dira. Domeka eguerdiko giroa alaitzeko, gainera, Jainaga eta Narbaiza trikitilariak ibiliko dira tabernaz taberna.
Argazki lehiaketa
Argazki lehiaketa ere jokatuko da. Udalak lau gai emango ditu 12:00etan, eta parte hartzaileek 16:00ak arteko epea izango dute gai bakoitzarekin lotutako argazki bana aurkezteko.
Argazki lehiaketan parte hartu nahi dutenek izena eman behar dute 11:45etik 12:00ak artean. Irabazleak 50 euroko erosketa bonua jasoko du.
