Azaroan baba-jana egiten dute Kantsatzeke Mendi Taldean, eta 2023koa azaroaren 26arekin egingo dute. Hiruzpalau orduko mendi ibilbidea antolatu dute Andastora (822 m.). Taldea 08:00etan abiatuko da Elgetatik. "Arrazolatik irtengo gara, eta goiza Anbotoren begiradapean pasako dugu. Andastok hainbat aukera eskaintzen ditu, eta eguraldiaren eta jendearen arabera erabakiko dugu nondik igo eta nondik jaitsi. Eta ibilbidea luzatu edo moztu". Eguraldiak ez badu laguntzen, berriz, Elgeta inguruan egingo dute ibilbide bat.
Bazkaltzeko baba-jana
Bazkaria Elgetan egingo dute eta urtero moduan baba-jana izango da. Jakinarazi dute izen-ematea egongo dela alde batetik mendi irteerarako eta bestetik baba-janerako. Bazkariaren prezioa egunean bertan kalkulatuko da, gastuen arabera.
Izen-ematea zabalik da eguenera arte, hilak 23, kantsatzeke@gmail.com zein 690 74 00 56 telefono zenbakian (Whatsapp).
