Hurrengo aste bukaeran emango diote jarraipena azaroko egitarauari Ozkarbi elkartean. Barikuan, hilak 17, kontzertuak izango dituzte elkartean. Elgetako bost mutil gaztek osatutako Babes Gabe musika talde berriaren estreneineko kontzertua izango da lehenengo eta jarraian helduko da Uxue Kerejetaren emanaldia. Kerejetak Publikoaren Saria eskuratu zuen azken Gaztea Cover txapelketan. Kontzertuak 18:30ean hasiko dira.
Bestetik, hilaren 24an, 19:00etan, bolo txapelketa antolatu du Ozkarbi elkarteko zuzendaritzak. 6 urtetik aurrerakoendako antolatu dute eta hiru kategoria jokatuko dira, adinaren arabera.
Azkenik, azaroaren 25ean, Ozkarbi Eguneko bazkaria egingo dute elkartean. Prezioa da 30 euro. Oraindik ere zabalik da izena emateko aukera.