Kultura zinegotzi Maialen Arnedok jakinarazi du hilaren 20an hasiko direla saioak eta barikuro izango direla. HH 3-5 talderako, zortzi neska-mutikok eman dute izena; LH 1-3 bitartekoetan, hamalauk; LH 4-6 bitartekoetan, hamahiruk, eta DBH 1etik aurrerakoetan, hamaikak –eguazteneko datuak dira–. Irakasleak Eibarko Kezka dantza taldeko bi kide izango dira, eta saioen ordutegia izango da: barikuetan, 16:15-17:15, HH 3-5 eta LH 1-3 bitartekoentzat; eta 17:15-18:15, LH 4-6 eta DBH 1etik aurrerakoentzat.
Euskara ikastarorik ez
Euskara ikasteko proposamena luzatu zuen Udalak, baina talde batean ere ez du pertsona kopuru nahikoak izena eman. Beraz, ez da talderik osatuko.
