Intxortako igoera ere gaur goizean egin dute. 11:00etarako prest ziren korrikalariak, eta Intxortara joan-etorria egin behar izan dute. Martin Egizabal izan da lehena heltzen helmugara, 17 minutu eta 15 segundo behar izan baititu ibilbidea egiteko. Eta, gizonezkoetan, ostean iritsi dira Unai Fraile eta Galder Agirrezabal. Emakumezkoetan, berriz, 2019an Argider Txurrukak jarritako errekorra hobetzea lortu du Nerea Goikoetxeak, 22 minutu eta 38 segundorekin.
Arratsaldean, lehiaketa
Arratsaldeko seietan, berriz, patata tortilla lehiaketa egingo dute, eta Oiharte sagardotegiko upela ere plazan izango da sagardoa dastatu nahi duenak har dezan. Mauxitxa txaranga arituko da giroa alaitzen.
