Aurten, urriko bigarren domekan egingo dituzte urteurreneko ekitaldi nagusiak Elgetan. Aurretik, baina, izango dira gaiarekin lotutako ekintzak. Ohiko bisita gidatuez gainera, errekreazio tailerra eta 1936ko gertaerekin lotutako bi lan berriren aurkezpena izango dira.
Errekreazio tailerra
Barikuan, hilak 22, egingo dute lehen saioa, 18:00etan, Espaloian. Hurrengo astean egingo dute bigarrena. Memoria Eguneko antzeztutako bisita gidatua prestatzeko bina orduko saioak izango dira. Intxorta 1937 kultur elkartea, Lubakikoak elkartea eta Udala dira antolatzaileak. Boluntarioak behar dira.
Bi lan berri
Beste aldea. Gizona ez den hori ikus-entzunezkoa eta Angiozar 1936. Gerrateko kontuak liburua aurkeztuko dituzte egileek hilaren 30ean kafe antzokian. Mondragon Unibertsitateko ikasle Itziar Juaristik, Lorea Elorriagak eta Irati Alvarezek sinatzen dute dokumentala. Liburua, berriz, Iñaki Arenaza Agirrek ondu du.
