Ordu erdi eskaseko kontua izan da, baina bat batean ilundu eta sekulako txingor-jasa izan da Elgetan. Euria lehenengo, eta inguru honetan ohikoa izan daitekeen txingorra egin du hasieran baina ekaitzak indarra hartu eta gero eta izotz pusketa handiagoak botatzeari ekin dio. Lau zentimetrotik gorako diametroko pusketak ere bota ditu.
Euria eta haizea dira orain Elgetan. Oinaztua eta trumoia dira orain nagusi. Atzo gauean ere oinaztua izan zen sendo baina trumoi hotsik gabe.
Ikusteko dago ekaitzak zer nolako kalteak eragin dituen herrian.