Abenduko erakusketak arrakasta handia izan zuen eta bistan da ordutik lanean jarraitu duzuela.
Bai; denbora dugu eta proiektu horri eskaintzea interesgarria izan daitekeela uste dugu. Hau da gure ekarpena.
Ze beste zerbitzu eskaintzen duzue Udal Artxibotik?
Dokumentuak katalogatzeaz gain, informazioa eskatzen dutenei edo dokumentuak zuzenean kontsultatu nahi dituztenei ongietorria egiten diegu.
Egia da Espainiatik eta Iberoamerikatik ere jasotzen dituzuela eskaerak?
Askotan gertatzen da, eta haiei ere erantzuten diegu ahal den guztietan. Gehienetan, familia- genealogiarekin eta jatorri- etxearekin lotutako kontsultak izaten dira, eta emigranteen ondorengoek bidalitakoak.
Bestelako jarduerak ere badituzue, ezta?Bata hirigintza-planen katalogazioa da, birgaizteko prozesuan dauden eta etxebizitzen planorik ez duten jabekideen erkidegoei lagundu diezaiekeena. Beste bat da familia-dokumentu zaharren azterketa; zaintzeko eta baloratzeko ematen dizkigute. Udalaren partetik jasotako laguntzaren aitortzarekin eta zerbait erabilgarria eta erosoa eskaintzen ari garen sentipenarekin egiten dugu.
Herritarrei dei egiten diezue etxean egon daitezkeen argazkien lagapena egiteko.
Dagoeneko asko dira familiako argazkien ekarpenarekin elkarlanean ari direnak. Kopiak ateratzen ditugu, lehenbailehen entregatzeko. Denen artean artxiboa osatzen joan gaitezke.