Barikuan egindako tonbola arrakastatsua izan zen eta aste honetan izango dira jaiak. Eguenean hasiko dira: uretako txirrista erraldoia (16:15), bits festa (19:00), etxean egindako patata tortilla lehiaketa (19:30), Unai Cantabranaren kontzertua (19:34) eta Baobeer garagardo dastaketa (20:00) daude iragarrita.
Barikuan gehiago
Beheko kaleko jaietako bigarren egunean ere izango da zer gozatu. Bizikleta lasterketa: VII. Mendi kriteriuma (16:30), entzierroa zezenekin ume eta gaztetxoentzako. Ondoren, buruhandiak (17:30), disko-festa Amaia DJren eskutik (18:30), dantza show-a Elgetako dantzarien eskutik (19:00), haur eta gaztetxoentzako afari-merienda (20:45), auzo-afaria (21:30), erromeria Gauargi taldeak alaituta (23:00) eta Mojito jaia (00.00) daude iragarrita. Amaitzeko, Sardiñaren lurperatzea egingo dute.