Ikasturte amaierara heltzen ari da eta Eskolaren Jaia prestatu dute Herri Eskolan. 09:00etan hasiko dira ekintza bereziak. Alde batetik, 2020an hasitako ganbarako horma-irudia osatzen jardungo dute, eta ipuin kontaketak zein irakasleek eta familiek antolatutako tailerrak izango dria.
16:00etatik aurrera eskola atarian kokatuko da jaia eta komunitate osoari zabaldutako ekintzak egingo dituzte: herri kirolak (16:00etan) –izen-emate orria eskolaren sarrera egongo da–, dantza koreografiak (17:00etan), eta puzgarriak zein urmaelaren gaineko informazio txokoa.
Herri osoari zabaldutako jaia da; eskolako beheko eta lehen solairuko komunak erabilgarri egongo dira. Eskolako kamiseta edo jertsea eramateko eskatu dute ikastetxetik.
