Bergarako musika bandako kideak ere gogotsu daude Elgetara bisita egiteko. Bi herriak ondoan badaude ere ez da horrelakorik egon aurretik. Urteetan ez behintzat.
Erretiratuen elkartetik egin dituzten gainerako jakinarazpenen artean dago ekainaren 17an zabalduko dutela jaietako erretiratuen bazkarirako izen-ematea. Xalbadorpeko ordezkariak Ozkarbi elkartean izango dira 11:00etatik 13:00etara. Izena emateko aukera izango da, baita ere, hilaren 24an eta 25ean. Gainera, erretiratuen elkarteak uztailaren 12rako Santoñara prestatu duen irteerarako izena emateko aukera ere izango da hiru egunetan.
Ekaineko podologia kontsulta, berriz, hilaren 21ean izango da. Kontuz; izan ere, asteko egunez aldatu dute. Ez da astelehenarekin izango eguaztenarekin baizik. Txanda hartzeko, deitu 669 99 81 65 telefonora (Maite Elkoro).