Eguenean, ekainaren 1ean, hil zen Elias de Castro. Azken hiru udal hauteskundeetan izan da PSE-EEko zerrendaburua Elgetako alkatetzarako.
Valladolideko Motan del Marques herrikoa jaiotzez, Soraluze zuen bizilekua aspaldian. 75 urterekin hil da. Emaztea, bi seme-alaba eta hiru biloba zituen.
Azken hiru udal hauteskundeetan hautagaitza sozialistako zerrendaburua izan da Elgetan. Aurretik, bi agintaldi egin zituen Soraluzen zinegotzi moduan; 1983tik 1991ra.
"Eskerrik asko balio sozialistekiko izan duzun konpromisoagatik eta dedikazioagatik. Beti egongo zara gure oroimenean", eskaini diote Soraluzeko alderdi sozialistako kideek.
