Ekainaren 26tik uztailaren 21era arte izango dute haurrek Elgetako udal aisialdian parte hartzeko aukera. Aurten, zuzenean haurrei galdetu diete zer-nolako udalekuak nahi zituzten. Eskolan lanketa egin dute horren inguruan, eta liburutegian proposamenen kutxa jarri zuten nahi zuenarentzat. Prozesu baten ostean, proposamen batzuk
onartu zituzten eta beste batzuk, berriz, ez. Prozesua haurrekin zein gurasoekin egin da. Hain zuzen ere, gai nagusia Itsasoa izango da.
Bestelako informazioa
Antolaketari dagokionez, taldeak adinka egingo dituzte, 2 urteko haurretatik LHko 6. mailara arte; eta bost hezitzaile egongo dira haien ardurapean. Urtero bezala, udalekuak hasi baino astebete lehenago gurasoentzat informazio bilera egongo da. Badira, ordea, kontuan hartu beharreko batzuk. Ekintza bereziak, irteera, gaubeila eta
bits-festa aparte ordaindu beharko dira, 5 euroko prezioan. Azken horretan, gainera, 4 urtetik gorako haurrek parte hartu ahalko dute soilik.