Bailarako trikitilariekin batera Soraluzeko eskolakoak ere egongo dira herria girotzen. Haiekin batera, Bermeoko eta Legutioko trikitilariak ere bai. Guztien artean egun osoko jaialdia egingo dute. Eguerdian hasita, kalejira egingo dute eskola guztiek, nor bere kasa. Bazkaldu aurretik, 13:00etan, eskola guztiek batera egingo dute emanaldia, herriko plazan. Arratsalderako, kalejira erraldoia, Ttipika taldearekin erromeria eta triki-poteoa iragarri dituzte.
"Zenbat pertsona elkartuko garen zehaztea jakitea oso zaila da. Iaz, 250 elkartu ginen bazkaltzeko. Horren bueltan ibiliko gara", esan du Elgetako trikiti irakasle Adolfo Jainagak.