Mendi Mendia Racing jaiak eta Intxortako Ahuntzak trail taldeak elkarlanean antolatuta 16 urtetik gorako hamasei lagunek hartu zuten parte zapatuan lehen aldiz jokatutako lasterketan. Iosu Herran bergararra izan zen gizonezko azkarrena (34'39) eta emakumeetan Ione Elkoro (44'17).
Zazpi kilometroko ibilbidea izan zuen lasterketa, 250 metroko desnibel positiboarekin. Ibilbidea izan zen plazatik abiatu, San Roke kalea, San Roke ostetik Leposolora eta handik zuzen Egoarbitzako puntara. Egoarbitza ostetik buelta eman, zelaira jaitsi eta Leposolotik gora egindako bide beretik buelta plazara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.