Gastuei aurre egiteko laguntza lortzea eta herrian autoen eta auto lasterketen mundua ezagutzera ematea da helburua. Bi urteko etenaldiaren ostean bueltatu da Mendi Mendia Racing eguna. Gaur, bosgarren edizioa ospatu dute. Bergaratik, Eibartik, Arrasatetik, Elorriotik... inguruko herrietatik inguratu dira Elgetara egunaz gozatzera.
Auto erakusketarekin ekin diote egunari eta plazan jarri dituzte ikusgai lasterketetarako erabiltzen dituzten autoak, bai eta, auto klasikoak ere. Nobedadea, Egoarbitzara mendi lasterketa izan da eta piztu du ikusmina. Plazan batu da jendea eta baita bidean ere.
Bazkaltzeko 200 lagun inguru batu dira Espaloian eta ilunkaran kontzertuak izango dira. No Limits, Añube, The Lio eta Streetwise taldeek joko dute.