Eguaztenean, hilak 18, zahartzaro berri baterako urratsen gaineko hitzaldia egingo du Javier Yanguas gerontologoak Elgetan. Xalbadorpe erretiratuen elkarteak antolatuta, herrian izango da beste kargu askoren artean Eibarko Egogain egoitzako langilea eta Matia Fundazioan zuzendaritzako kide izandako ikertzailea.
Hitzaldia 18:00etan izango da, udaletxeko areto nagusian. Parte hartze zabala eskatu dute Xalbadorpe elkartetik. Hizkuntza hitzaldira bertaratzen diren entzuleen araberakoa izango dela jakinarazi dute.
Podologo zerbitzua
Bestalde, hurrengo podologia kontsulta hilaren 23an izango dela ohartarazi dute, astelehena. Podologoak kultura etxeko bigarren solairuan artatuko ditu pazienteak, 15:00etan hasita. Interesatuek deitu egin behar dute txanda eskatzeko: 669 99 81 65 (Maite Elkoro).