Gabon egunean kantu eskean irtengo dira hainbat lagun, 11:00etan Herri Eskolan elkartuta. Ohiko buelta egingo dute herriko hainbat txokotan Gabon kantuak eskainiz. Parte hartzera gonbidatu dituzte herritarrak. Batutako dirua LH-6ko ikasleen ikas bidaiarako izango da.
Eguberri egunean, Intxortara
Eguberri eguneko proposamena Kantsatzeke Mendi Taldearen eskutik dator: Intxortara igotzeko gonbita egin dute. 11:30ean da hitzordua Intxortan. Urteroko talde argazkia eta txistor-jana egingo dituzte, Kantsatzeke Mendi Taldeak antolatuta.
