Magiak berak berezkoa duen misterioa hurbilagotik ezagutzeko aukera izan dute gaur elgetarrek, Magia Eguna ospatzen baitabiltza egun osoan zehar.
Magia tailerra egin dute lehenbizi, 11:30etik aurrera, Elgetako udalean. Gaztetxoenek magia egiten ikasi dute Asier Kidam magoarekin batera, eta baita zenbait helduk ere. Areago, materiala ere eskuratu dute trukoren bat edo beste egin ahal izateko aurrerantzean. Ostean, berriz, tabernaz taberna aritu da David Blanco magoa, gertuko magia eginez poteoan zebiltzanei.
Arratsaldean, magia gala
18:30ean, berriz, magia gala egingo dute, Espaloia kafe antzokian. Kidam eta Blanco izango dira parte hartzaileetako batzuk, baina alboan izango dute Señor Perez magoa ere.
Asier Kidam magoa, gaur goizean eginiko magia tailerrean.
