Zapatuan jokatu zen Eibarko Ipurua igerilekuan Igeriketako 33. Gabon Kopa. Bizkarrez 50 metroko kategorian nabarmendu zen Egizabal, eta crawl 50 metroko kategorian, berriz, De Vega.
Hamar urteko nesken kategorian lehiatu da Lur Egizabal Jimenez eta 11 urteko nesken kategorian Nora De Vega Ojanguren. Bi elgetarrak dira Bergara Igeri Elkarteko igerilariak eta biak itzuli dira domina banarekin Eibartik.
Lur Egizabal Jimenezek bigarren postua lortu zuen 50 metro bizkar kategorian. Nora De Vega Ojangurenek ere bigarren postua lortu zuen 50 metro crawl kategorian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.