Astelehen honetan egindako zozketan 16-47-24-46-9-40 zenbakiek osatu zuten konbinazio irabazlea, 14 osagarriarekin eta 1 itzulketarekin. Eta Elgetako saridunarekin batera, astelehen honetan egindako zozketan, Bigarren Mailako beste asmatzaile bat ere izan zen, Zaragozakoa kasu honetan. Hala ere, ez zen Lehen Mailako asmatzailerik izan eta, beraz, asmatzaile bakarreko Bonolotoaren hurrengo zozketan erabiliko den botea 500.000 eurokoa izango da.
Salmenta bulegokoak "pozik"
Haizea tabernako Bittor Gallastegi pozik agertu da, bere establezimenduan sari nagusia tokatu delako: "Pozik gaude, izan ere, lehenengo aldia da halako sari potoloa ematen duguna. Orain arte, 1.000 edo 2.000 euro inguruko sariak banatu ditugu, baina halakorik ikusi barik geunden. Gainera, bertako bati tokatzea poztekoa da. Orain, ez dakit nabarituko dugun; agian, jende gehiagok jokatuko du, baina, uste dut antzera izango dela. "